கீரை வகைகள்சாப்பாடுவெரைட்டி ரைஸ்

கீரை மசாலா சாதம்

Lettuce spice rice

சமைக்க தேவையானவை


  • அரிசி – இரண்டு டம்ளர்
  • பாலக் கீரை – ஒரு கட்டு
  • வெந்தயக் கீரை – ஒரு கட்டு
  • பொன்னாங்கண்ணிக் கீரை – ஒரு கட்டு
  • பருப்பு கீரை – ஒரு கட்டு
  • முளைக்கீரை – ஒரு கட்டு
  • உருளைக்கிழங்கு – 1
  • கேரட் – 1
  • பச்சைப் பட்டாணி – ஒரு கைப்பிடி
  • நெய் – ஒரு ஸ்பூன்
  • எண்ணெய் – 2 ஸ்பூன்
  • பச்சை மிளகாய் 5
  • கடுகு அரை ஸ்பூன்
  • சீரகம் – அரை ஸ்பூன்
  • பெருங்காயத்தூள் – அரை ஸ்பூன்
  • உப்பு – ஒன்றரை ஸ்பூன்
  • புதினா – ஒரு கொத்து
  • கொத்தமல்லித்தழை – ஒரு கொத்து.


    செய்முறை


    முதலில் 2 டம்ளர் அரிசியை இரண்டு, முறை நன்றாக கழுவி, தண்ணீர் ஊற்றி, ஊற வைத்துக் கொள்ள வேண்டும். பின்னர் கீரைக் கட்டுகளை பிரித்து, அவற்றை சுத்தம் செய்து, பொடியாக நறுக்கிக் கொள்ளவேண்டும். பிறகு உருளைக்கிழங்கு கேரட் பச்சை மிளகாய் அனைத்தையும் பொடியாக நறுக்க வேண்டும்.

    பின்னர் பொடியாக நறுக்கிய கீரைகளை தண்ணீர் விட்டு, இரண்டு மூன்று முறை அலச வேண்டும். பின்னர் தண்ணீர் இல்லாமல் வடிகட்டி வைத்துக்கொள்ள வேண்டும். பிறகு ஒரு கடாயை அடுப்பின் மீது வைத்து, நெய் மற்றும் எண்ணெய் ஊற்ற வேண்டும். எண்ணெய் நன்றாக சூடானதும் கடுகு, சீரகம் சேர்த்து தாளிக்க வேண்டும்.

    பிறகு அரை ஸ்பூன் பெருங்காயத்தூள் சேர்த்து விட்டு, அதனுடன் நறுக்கி வைத்துள்ள கீரைகளை சேர்த்து நன்றாக வதக்க வேண்டும். கீரை அனைத்தும் சுருண்டு வதங்கியதும் அதனுடன் நறுக்கி வைத்த காய்கறிகளை சேர்த்து வதக்க வேண்டும். பிறகு இவற்றுடன் கொத்தமல்லி மற்றும் புதினா தழை சேர்த்து நன்றாக வதக்கிக் கொள்ள வேண்டும்.

    இவற்றுடன் உப்பு சேர்த்துக் கொண்டால் கீரை தண்ணீர் விட்டு நன்றாக வதங்கி விடும். பின்னர் இரண்டு டம்ளர் அரிசிக்கு 4 டம்ளர் தண்ணீர் ஊற்றி, தண்ணீர் நன்றாக கொதித்ததும் ஊற வைத்துள்ள அரிசியை சேர்த்து கலந்து விட்டு, குக்கரை மூடி, 2 விசில் வரும் வரை வேக வைத்து எடுத்தால் சுவையான கீரை சாதம் தயாராகிவிடும்.

உங்களுக்கு இந்த டிஷ் பிடிக்குமா ?
+1
0
+1
0
+1
0
+1
0
+1
0
+1
0
+1
0

பகிருங்கள்

அம்மா சமையல்

அம்மா சமையல் என்றால் எனக்கு மட்டுமல்ல எல்லோருக்குமே பிடிக்கும். அந்த கை பக்குவம் வேற யாருக்கும் வரவே வராது. இன்னும் என்னோடு எங்க அம்மா சமையல் வாசம் ஒட்டிக் கொண்டிருக்கிறது. தாமிரபரணி தண்ணீர் என்பதால் எங்க அம்மா எதை வைத்துக் கொடுத்தாலும் அந்த சுவையே தனிதான். இங்கு சமையல் குறித்த தகவல்கள் வழங்குவது எல்லாம் சமைக்கத் தெரியாத மற்றும் சதா ஒரே சமையலை செய்து கொடுக்கும் பெண்களுக்காக இந்த பக்கம். எனது பெயர் கமலி.

Leave a Reply

Your email address will not be published.

Back to top button