குழம்பு

கொள்ளு பூண்டு குழம்பு

Garlic broth - Kollu Poondu Kulambu

சமைக்க தேவையானவை


  • கொள்ளு – 3 டீஸ்பூன்
  • பூண்டு – 20 பற்கள்
  • பெரிய தக்காளி – 1 (நறுக்கியது)
  • புளி – ஒரு எலுமிச்சைப்பழ அளவு
  • தனியா – 1 டீஸ்பூன்
  • காய்ந்த மிளகாய் – 7 அல்லது 8
  • பெரிய வெங்காயம் – 1 (நறுக்கியது)
  • நல்லெண்ணெய் – 6 டீஸ்பூன்
  • வெந்தயம் – 1 டீஸ்பூன்
  • உப்பு – தேவையான அளவு.
  • பெருங்காயத்தூள் – ஒரு சிட்டிகை


செய்முறை


முதலில் புளியை தண்ணீர் விட்டு கெட்டியாகக் கரைத்துக் கொள்ளவேண்டும். அடுப்பில் வெறும் கடாயில் கொள்ளை போட்டு வாசனை வரும்வரை வறுத்து தனியே வைக்கவும். பின்பு அதே கடாயில் 1 டீஸ்பூன் நல்லெண்ணெயை ஊற்றி தனியா, வெந்தயம், காய்ந்த மிளகாய், பூண்டு 5 பற்கள் போட்டு வறுத்துக் கொள்ளவும்.

ஆறியதும் இத்துடன் வறுத்த கொள்ளு சேர்த்து மிக்சியில் சிறிது தண்ணீர் ஊற்றி நைசாக அரைத்துக் கொள்ளவும்.கடாயில் 4 டீஸ்பூன் நல்லெண்ணெயை ஊற்றி காய்ந்ததும் கடுகு, பெருங்காயத்தூள் தாளித்து, மீதியிருக்கும் பூண்டைப் போட்டு வதக்கவும். வெங்காயம், தக்காளி சேர்த்து குழைய வதக்கவும்.

பின் புளிக்கரைசல், அரைத்த மசாலா கலவை, உப்பு போட்டு கலந்து கொதிக்க விடவும். நன்கு கொதித்ததும் இறக்கும் முன்பு 1 டீஸ்பூன் நல்லெண்ணெயை சுழற்றி ஊற்றி இறக்கவும். கமகமக்கும் கொள்ளு பூண்டு குழம்பை சாதத்துடன் பரிமாறவும்.

உங்களுக்கு இந்த டிஷ் பிடிக்குமா ?
+1
0
+1
0
+1
0
+1
0
+1
0
+1
0
+1
0
பகிருங்கள்

அம்மா சமையல்

அம்மா சமையல் என்றால் எனக்கு மட்டுமல்ல எல்லோருக்குமே பிடிக்கும். அந்த கை பக்குவம் வேற யாருக்கும் வரவே வராது. இன்னும் என்னோடு எங்க அம்மா சமையல் வாசம் ஒட்டிக் கொண்டிருக்கிறது. தாமிரபரணி தண்ணீர் என்பதால் எங்க அம்மா எதை வைத்துக் கொடுத்தாலும் அந்த சுவையே தனிதான். இங்கு சமையல் குறித்த தகவல்கள் வழங்குவது எல்லாம் சமைக்கத் தெரியாத மற்றும் சதா ஒரே சமையலை செய்து கொடுக்கும் பெண்களுக்காக இந்த பக்கம். எனது பெயர் கமலி.

Leave a Reply

Back to top button