சூப்சைடீஸ்

க்ரீமி கேரட் சூப்

Creamy carrot soup

சமைக்க தேவையானவை


  • கேரட் – 3 (பொடியாக நறுக்கியது)
  • பால் – 1/4 கப்
  • தண்ணீர் – 1 கப் + 1/2 கப்
  • கேரட்டை வேக வைப்பதற்கு
  • பூண்டு – 5 பல்
  • பட்டை – 1
  • கிராம்பு – 2
  • பிரியாணி இலை – 1
  • மிளகுத் தூள் – 1 டீஸ்பூன்
  • கரம் மசாலா – 1 சிட்டிகை
  • எண்ணெய் – 1 டீஸ்பூன்
  • வெண்ணெய் – 1 டீஸ்பூன்
  • க்ரீம் – 2 டீஸ்பூன்
  • உப்பு – சுவைக்கேற்ப


செய்முறை


முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, பிரியாணி இலை, பூண்டு சேர்த்து பொன்னிறமாக வதக்கவும். பின் அதில் கேரட், 1/2 டீஸ்பூன் மிளகுத் தூள், கரம் மசாலா சேர்த்து பச்சை வாசனை போக வதக்கவும்.

பின்பு அதில் கேரட் மூழ்கும் அளவில் நீரை ஊற்றி, கேரட்டை நன்கு மென்மையாக வேக வைத்து இறக்கி, குளிர வைக்க வேண்டும். பிறகு அதில் உள்ள பிரியாணி இலை, பட்டை, கிராம்பை எடுத்து விட்டு, மிக்ஸர் ஜாரில் போட்டு நன்கு மென்மையாக அரைத்துக் கொள்ளுங்கள்.

பின் ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், அரைத்த கேரட் பேஸ்ட் மற்றும் நீர் ஊற்றி நன்கு கட்டி இல்லாமல் கிளறி விடுங்கள். சூப் நன்கு கொதிக்க ஆரம்பித்ததும், அதில் பால், 1/2 டீஸ்பூன் மிளகுத் தூள் மற்றும் சுவைக்கேற்ப உப்பு சேர்த்து ஒரு கொதி விட்டு இறக்கி, அதன் மேல் க்ரீம் சேர்த்தால், க்ரீமி கேரட் சூப் தயார்.

உங்களுக்கு பிடித்துள்ளதா ?
+1
0
+1
0
+1
0
+1
0
+1
0
+1
0
+1
0
பகிருங்கள்

அம்மா சமையல்

அம்மா சமையல் என்றால் எனக்கு மட்டுமல்ல எல்லோருக்குமே பிடிக்கும். அந்த கை பக்குவம் வேற யாருக்கும் வரவே வராது. இன்னும் என்னோடு எங்க அம்மா சமையல் வாசம் ஒட்டிக் கொண்டிருக்கிறது. தாமிரபரணி தண்ணீர் என்பதால் எங்க அம்மா எதை வைத்துக் கொடுத்தாலும் அந்த சுவையே தனிதான். இங்கு சமையல் குறித்த தகவல்கள் வழங்குவது எல்லாம் சமைக்கத் தெரியாத மற்றும் சதா ஒரே சமையலை செய்து கொடுக்கும் பெண்களுக்காக இந்த பக்கம். எனது பெயர் கமலி.

Leave a Reply

Back to top button