சர்க்கரைவள்ளி கிழங்கு அல்வா

சமைக்க தேவையானவை

• சர்க்கரைவள்ளிக் கிழங்கு – 250 கிராம்,
• சர்க்கரை – 200 கிராம்,
• ஏலக்காய்த்தூள் – சிறிதளவு,
• முந்திரிப் பருப்பு – 10,
• நெய் – 100 மில்லி,
• கேசரி பவுடர் – சிறிதளவு

சர்க்கரைவள்ளிக் கிழங்கை நன்கு வேக வைத்து, தோல் உரித்து மசித்துக் கொள்ளவும். சர்க்கரையில் சிறிது தண்ணீர் விட்டு சூடாக்கி, சர்க்கரை கரைந்ததும் மசித்த வள்ளிக்கிழங்கை சேர்த்து நன்கு கிளறவும்.
நெய்யை உருக்கி கொஞ்சம் கொஞ்சமாக அதில் விடவும்.

அல்வா பதம் வந்ததும்… வறுத்த முந்திரி, ஏலக்காய்த்தூள், கேசரி பவுடர் சேர்த்து நன்கு கிளறி எடுக்கவும். குறிப்பு: உருளைக்கிழங்கு, பீட்ரூட், கேரட்டிலும் இதேபோல அல்வா செய்யலாம்.