சீரக புழுங்கல் அரிசி கஞ்சி

சமைக்க தேவையானவை

• புழுங்கல் அரிசி – ஒரு கப்
• வெந்தயம் – ஒரு டீஸ்பூன்
• மஞ்சள்தூள் – 2 சிட்டிகை,
• மிளகுத்தூள் – 2 டீஸ்பூன்
• பாசிப்பருப்பு – 25 கிராம்
• சீரகம் – 2 டேபிள்ஸ்பூன்,
• தயிர் – ஒரு கப் (கடைந்தது)
• உப்பு – தேவையான அளவு

செய்முறை

முதலில்புழுங்கல் அரிசியை வாணலியில் வறுத்து மிக்ஸியில் அடித்து ரவை போல உடைத்துக்கொள்ளவும்.

வெறும் வாணலியில் பாசிப்பருப்பு, வெந்தயத்தை லேசாக வறுத்து, ஒன்றிரண்டாக மிக்ஸியில் பொடித்துக்கொள்ளவும்.

அனைத்தையும் ஒன்றுசேர்த்து, 3 கப் நீர் விட்டு, மஞ்சள்தூள், உப்பு, மிளகுத்தூள், சீரகம் சேர்த்து, குக்கரில் வைத்து ஒரு விசில் வரும் வரை வேகவிட்டால் நன்றாக குழைந்து வெந்துவிடும். பிறகு, இறக்கி வைத்து, கடைந்த தயிர் கலந்து பின்பு பரிமாறவும்.