குழம்பு

சுண்டைக்காய் குழம்பு

Zucchini broth

சமைக்க தேவையானவை


  • பச்சை சுண்டைக்காய் – 1 கப்
  • உளுத்தம்பருப்பு – 1 டீஸ்பூன்
  • தனியா – 1 டீஸ்பூன்
  • காய்ந்த மிளகாய் – 7 அல்லது 8
  • வெந்தயம் – 1 டீஸ்பூன்
  • பெருங்காயத்தூள் – ஒரு சிட்டிகை
  • நல்லெண்ணெய் – 5 டீஸ்பூன்
  • மஞ்சள் தூள் – ஒரு சிட்டிகை
  • கடலைப்பருப்பு – 2 டீஸ்பூன்
  • தாளிக்க கடுகு – சிறிது
  • பூண்டு – 15 பற்கள்
  • புளி – ஒரு எலுமிச்சைப்பழ அளவு
  • உப்பு – தேவையான அளவு
  • கறிவேப்பிலை – ஒரு கொத்து


செய்முறை


முதலில் பச்சை சுண்டைக்காயை சுத்தம் செய்து காம்பைக் கிள்ளி வைக்கவேண்டும். பிறகு புளியை கெட்டியாகக் கரைத்து வைக்கவும்.பின்பு கடாயில் 1 டீஸ்பூன் நல்லெண்ணெயை ஊற்றிக் காய்ந்ததும் கடலைப்பருப்பு, உளுத்தம்பருப்பு, தனியா, காய்ந்த மிளகாய், வெந்தயம், பூண்டு 5 பற்கள் போட்டு வறுத்துக் கொள்ளவேண்டும்.

ஆறிய பின் நைசாக, தேவைப்பட்டால் தண்ணீர் ஊற்றி அரைக்கவும். பின்னர் கடாயில் மீதியுள்ள நல்லெண்ணெயை ஊற்றி, காய்ந்ததும் கடுகு, பெருங்காயத்தூள், மஞ்சள் தூள் தாளித்து, பச்சைச் சுண்டைக்காய்களைப் போட்டு வதக்கி, அரைத்த மசாலாக் கலவை ஊற்றி கலக்கவும்.

சுண்டைக்காயோடு மசாலா நன்கு கலந்து வந்ததும் புளிக்கரைசலை ஊற்றிக் கொதிக்க விடவும். கறிவேப்பிலையைக் கிள்ளிப் போட்டு இறக்கவும். சூடாக சாதத்துடன் பரிமாறவும்.

உங்களுக்கு இந்த டிஷ் பிடிக்குமா ?
+1
0
+1
0
+1
0
+1
0
+1
0
+1
0
+1
0
பகிருங்கள்
Source
Image

அம்மா சமையல்

அம்மா சமையல் என்றால் எனக்கு மட்டுமல்ல எல்லோருக்குமே பிடிக்கும். அந்த கை பக்குவம் வேற யாருக்கும் வரவே வராது. இன்னும் என்னோடு எங்க அம்மா சமையல் வாசம் ஒட்டிக் கொண்டிருக்கிறது. தாமிரபரணி தண்ணீர் என்பதால் எங்க அம்மா எதை வைத்துக் கொடுத்தாலும் அந்த சுவையே தனிதான். இங்கு சமையல் குறித்த தகவல்கள் வழங்குவது எல்லாம் சமைக்கத் தெரியாத மற்றும் சதா ஒரே சமையலை செய்து கொடுக்கும் பெண்களுக்காக இந்த பக்கம். எனது பெயர் கமலி.

Leave a Reply

Back to top button