செட்டிநாடு புளிக்குழம்பு

சமைக்க தேவையானவை

• சாம்பார் தூள்(குழம்பு மிளகாய்த்தூள் ) – 2-3 தேக்கரண்டி
• தக்காளி – 2 பொடியாக நறுக்கியது
• சின்ன வெங்காயம்(தோல் உரித்தது ) – 1/2 கப்
• பூண்டு (தோல் உரித்தது) – 10 பல்
• புளி (சிறிய எலுமிச்சை அளவு )
• வெங்காய கறி வடகம் – 1/4கப்

தாளிக்க

• வெந்தயம் – 1/4 தேக்கரண்டி
• சோம்பு – 1/4 தேக்கரண்டி

செய்முறை

முதலில் புளியை தண்ணீரில் ஊற வைத்து கரைத்துக் கொள்ளவும்.பின் ஒரு பாத்திரத்தில் தாளிப்பதற்கு தேவையான எண்ணெய் ஊற்றி வெந்தயம், சோம்பு சேர்த்து தாளிக்கவும்.

பிறகு இதனுடன் வெங்காயம், பூண்டு சேர்த்து வதக்கவும். வெங்காயம் நிறம் மாறியதும் தக்காளி சேர்த்து வதக்கவும்.

பின் தக்காளி வதங்கியவுடன் சாம்பார் தூள் அல்லது குழம்பு தூள் சேர்த்து வதக்கி, புளி கரைசலை சேர்க்கவும்.இதனுடன் தேவையான அளவு தண்ணீர் மற்றும் உப்பு சேர்த்து குழம்பு திக்காகும் வரை கொதிக்க விடவும்.

ஒரு சிறு பாத்திரத்தில் பொரிப்பதற்கு தேவையான அளவு என்னை ஊற்றி வெங்காய கறி வடகத்தை பொன்னிறமாக பொரித்து எடுக்கவும்.பின் பொரித்த வடகத்தை குழம்பில் சேர்த்து, ஒரு கொதி வந்தவுடன் குழம்பை இறக்கவும்.