குருமாகுழம்பு

தேங்காய்பால் உருளை குருமா

Coconut milk potato curry

சமைக்க தேவையானவை


  • உருளைக்கிழங்கு – 3
  • பட்டை – சின்ன துண்டு 3
  • நறுக்கிய வெங்காயம் – கால் கப்
  • நறுக்கிய தக்காளி – அரை கப்
  • தேங்காய் துருவல் – ஒரு கப்
  • மிளகாய் வற்றல் – 6
  • உப்பு – ஒரு தேக்கரண்டி
  • எண்ணெய் – 2 தேக்கரண்டி
  • சோம்பு – ஒரு தேக்கரண்டி
  • கறிவேப்பிலை – 2 கொத்து
  • மஞ்சள் தூள் – ஒரு சிட்டிகை


செய்முறை


முதலில் உருளைக்கிழங்கை ஒரு பாத்திரத்தில் போட்டு மூழ்கும் அளவு தண்ணீர் ஊற்றி 10 நிமிடம் வேக வைத்து எடுத்துக் கொள்ளவேண்டும். பிறகு தக்காளியை பொடியாக நறுக்கி வைக்கவும். பின் பெரிய வெங்காயத்தை தோல் உரித்து பொடியாக நறுக்கி வைத்துக் கொள்ளவேண்டும் பின்பு தேங்காய்த் துருவலை மிக்ஸியில் போட்டு அரை கப் தண்ணீர் ஊற்றி அரைத்து பிழிந்து பால் எடுத்துக் கொள்ளவேண்டும்

பின் அதில் மீண்டும் அரை கப் தண்ணீர் ஊற்றி அரைத்து இரண்டாம் பால் பிழிந்து எடுத்துக் கொள்ளவும். வாணலியில் ஒரு தேக்கரண்டி எண்ணெய் ஊற்றி காய்ந்ததும், மிளகாய் வற்றல், சோம்பு, பட்டை போட்டு வதக்கி எடுத்து ஆறவைத்து மிக்ஸியில் போட்டு 2 மேசைக்கரண்டி தண்ணீர் ஊற்றி அரைத்து விழுதாக எடுத்துக் கொள்ளவேண்டும்.

பிறகு அதே வாணலியில் ஒரு தேக்கரண்டி எண்ணெய் ஊற்றி காய்ந்ததும் பொடியாக நறுக்கின வெங்காயம், தக்காளி போட்டு 30 நொடி வதக்கவும். அதன் பிறகு வேக வைத்த உருளைக்கிழங்கை தோல் உரித்து மசித்து விட்டு வெங்காயத்துடன் போட்டு ஒரு நிமிடம் வதக்கவேண்டும்.

பின் ஒரு நிமிடம் கழித்து அரை கப் தண்ணீர் ஊற்றி உப்பு சேர்த்து கலக்கி விடவும். அதில் அரைத்து எடுத்து வைத்திருக்கும் விழுது மற்றும் மஞ்சள் தூள், சேர்த்து ஒரு நிமிடம் கிளறி விடவேண்டும்.

பிறகு ஒரு நிமிடம் கழித்து கொதித்து நுரைவரும் போது எடுத்து வைத்திருக்கும் பாலை ஊற்றி, 3 நிமிடம் கழித்து கிளறி இறக்கி விடவும். இறக்கிய பிறகு மேலே கொத்தமல்லி தழை தூவவேண்டும்.பின் இந்த தேங்காய் பால் குருமாவை இட்லி, தோசையுடன் பரிமாறவும்.

உங்களுக்கு இந்த டிஷ் பிடிக்குமா ?
+1
0
+1
0
+1
0
+1
0
+1
0
+1
0
+1
0
பகிருங்கள்
Source
Image

அம்மா சமையல்

அம்மா சமையல் என்றால் எனக்கு மட்டுமல்ல எல்லோருக்குமே பிடிக்கும். அந்த கை பக்குவம் வேற யாருக்கும் வரவே வராது. இன்னும் என்னோடு எங்க அம்மா சமையல் வாசம் ஒட்டிக் கொண்டிருக்கிறது. தாமிரபரணி தண்ணீர் என்பதால் எங்க அம்மா எதை வைத்துக் கொடுத்தாலும் அந்த சுவையே தனிதான். இங்கு சமையல் குறித்த தகவல்கள் வழங்குவது எல்லாம் சமைக்கத் தெரியாத மற்றும் சதா ஒரே சமையலை செய்து கொடுக்கும் பெண்களுக்காக இந்த பக்கம். எனது பெயர் கமலி.

Leave a Reply

Back to top button