பச்சை மிளகாய் குழம்பு

சமைக்க தேவையானவை

• பச்சை மிளகாய் – 15
• குட மிளகாய் – 1
• தக்காளி – 1
• சீரகம் – 1 ஸ்பூன்
• சின்ன வெங்காயம் – 15
• எண்ணெய் – தேவையான அளவு
• உளுந்தம் பருப்பு – அரை ஸ்பூன்
• புளி – சிறிய உருண்டை
• வெந்தயம் – 1 ஸ்பூன்
• உப்பு – தேவையான அளவு

செய்முறை

முதலில் பச்சை மிளகாய் மற்றும் குட மிளகாயை பொடியாக நறுக்கி கொள்ளவேண்டும். பிறகு புளியை தண்ணீர் ஊற்றி கரைத்து கொள்ளவேண்டும் .பின் வெங்காயம் மற்றும் தக்காளியை பொடியாக நறுக்கி கொள்ளவேண்டும்.

பின்பு வாணலியில் எண்ணெய் விட்டு காய்ந்ததும் கடுகு, உளுந்தம் பருப்பு, வெந்தயம், சீரகம் போட்டு தாளித்த பின் வெங்காயம் சேர்த்து நன்றாக வதக்கவேண்டும். பிறகு வெங்காயம் நன்றாக வதங்கியதும் பச்சை மிளகாய் மற்றும் குட மிளகாய் சேர்த்து நன்றாக வதக்கவேண்டும்.

அடுத்து அதில் தக்காளியை சேர்த்து வதக்கி தேவையான அளவு உப்பை போடவும். பின்னர் கரைத்து வைத்துள்ள புளிக்கரைசலை ஊற்றி சிறிது நேரம் கொதிக்க விடவேண்டும். பின் மிளகாய் நன்றாக வெந்து எண்ணெய் பிரிந்து வரும் போது இறக்கி பரிமாறவும். காரசாரமான பச்சை மிளகாய் குழம்பு தயார்.