ரவை பாயசம்

சமைக்க தேவையானவை

• ரவை- 3/4 கப்
• ஏலக்காய் பொடி-2ஸ்பூன்
• நெய்-2 ஸ்பூன்
• முந்திரி-8-10
• உலர்ந்த திராட்சை-11-12
• பால்-1/2 கப்
• தண்ணீர்-4-5 கப்
• சர்க்கரை-தேவையான அளவு

செய்முறை

ஒரு கடாயில் நெய் ஊற்றவும். நெய் காய்ந்தவுடன் அதில் முந்திரி, உலர்ந்த திராட்சை சேர்த்து நன்றாக வறுத்து தனியாக ஒரு கப்பில் வைக்க வேண்டும். அதே கடாயில் ரவையை சேர்த்து இதமான சூட்டில் வறுக்க வேண்டும். பிறகு அதில் கொஞ்சம் கொஞ்சமாக தண்ணீர் சேர்த்து கட்டியில்லாமல் கிளறி கொண்டே இருக்க வேண்டும்.

பின்னர், பாயாசத்திற்கு முக்கிய தேவையான பாலை சேர்த்து நன்றாக கிளறவும். மிதமான தீயில் 4-5 நிமிடம் கொதித்த பிறகு சர்க்கரை சேர்த்து கிளறி விட வேண்டும். கடைசியில் நெய்யில் வறுத்த முந்திரி, திராட்சை ஆகியவை சேர்த்து அடுப்பை அனைத்து விட வேண்டும். சூடான, சுவையான, இனிப்பான ரவை பாயசம் தயார்.